بسكويت السابليه بالمربى

المقادير

250 غ طحين

125غ سكر

125 غ زبدة طرية بحرارة الغرفة

بيضة

ظرف فانيل = ملعقة صغيرة تقريبا

مربى فريز او مشمش

الطريقة

نضع الزبدة والسكر والفانيل في وعاء ونخفقها بالخلاط  او المضرب اليدوي حتى يبيض لونها

نضيف اليهم البيض ونواصل الخفق

بدون خلاط  الكهربائي نضيف الطحين شوي شوي  حتى تنتهي كل الكمية

حتى تتشكل معنا عجينة طرية لا تلتصق بالايدي ممكن زيادة قليل من الطحين ان احتاج الامر

نغطيها بالنايلون ونتركها ترتاح لمدة ساعة تقريبا اذا كان الجو حار يفضل وضعها بالبراد

ثم نمدها بواسطة الشوبك بسماكة نصف سم  وتقطع حسب الشكل المطلوب

بنحمي الفرن قبل الخبز بعشر دقائق  نضع في الصينية ورق زبدة حتى ما يلزق البسكويت

تخبز على حرارة 160 د لمدة تقريبا 10 دقائق بس يزهر الاطراف بكون صارو

بعد ما تطلع من الفرن بنبردها وبعدين بنحط على طبقة مربى وعلى الطبقة التانية سكر بودرة وبنلزقهن مع بعض متل ما واضح بالصور

وصحتين وعوافي